[vc_mad_gallery columns=”2″ images=”3464,3466,3468″]
只係睇幅相，大家係咪估唔到邊架輪椅有事需要緊急維修？邊個係奉召到場幫手維修既輪椅朋友呢？
等我開估啦，就係相片右手果位輪椅朋友日禧，佢一收到有輪椅朋友「死火」，即刻義不容辭，晚上11點左右，由床上落床，再火速開車（輪椅），由屯門直衝天水圍，拯救受困輪椅友，呢份精神就係助人自助喇👍🏻
講翻今次呢位事主，原來今午四點幾，佢喺海洋公園已經死火，行下停下，行下停下，最終輪椅完全郁唔到，打比輪椅公司又無人回覆，所在呆在公園外幾小時，求助無門。好彩入夜家人將佢由海洋公園慢慢推番天水圍，由於明天八點覆診，輪椅就係佢既一雙腳，覆診再排期都起碼一年後，拯救隊收到消息，就火速出動，請到日禧仗義幫忙，雖然佢手腳郁唔到，但從佢口中清晰表達一個又一個步驟，義工一步又一步跟住去做，結果一個多小時之後，輪椅整翻好又再重生啦，但最重要係明天有得覆診喇，多謝路向輪椅拯救隊既義工💪🏻💪🏻
題外話，當我地整好架輪椅之後，就巧合收到輪椅公司whats app 比事主話:「唔好意思，睇唔到信息，我明天再覆你啦」