09/03/2021

【個案探訪】照顧者的故事

《陪着妳走》 第二集
上集講到MAY媽知道阿May入咗ICU後,除左每日以淚洗臉,唔知可以點做。
醫生都無能為力說:「依家阿May喺一個植物人,暫時未見到醒返嘅跡象。你哋要有心理準備。」
May媽聲淚俱下地大聲埋怨醫生:「點解唔醫好佢?」「佢咁後生又咁叻,無理由一世就咁樣。醫生,我求下你,求下你救下佢啊?」醫生只能無奈地離開。
May媽內疚地痛哭,不斷怪責自己沒有照顧好女兒,才導致意外的發生。
如是者,May媽每日都過着意志消沉的日子,出入醫院,幫阿May拉筋,抹身。甚至到訪各地尋醫問藥,求神問卜。即使有一絲的方法令May醒返,佢都願意試,絕對不會輕易放棄。奇怪的是,問過嘅大師都話:「佢死唔到嘅。」
就咁樣,大師給予May媽的一個希望,祈盼阿May有甦醒的一天。
幸好,那段時間有丈夫陪伴在旁,渡過漫長又折磨的日子。
半年過去,奇蹟終於出現。醫生都詫異地表示阿May可以醒過來。但同時當頭捧喝地說:「由於傷及腦部,四肢都受影響,你地要有準備同耐性照顧佢。」
聽到醫生咁講,May媽不知所措,無諗過甦醒後的May變成咁樣。只會「咦咦哦哦」,完全不能溝通,連聲音都變了另一個人一樣,好似唔喺我所認識的May。突然覺得好陌生,好驚慌。佢仲無晒自理能力,每日的大小便、換片、沖涼、餵食等工作都由我處理。那段日子也很難熬、心力交瘁,累得不似人形。但作為媽媽,May媽只好硬著頭皮堅持下來,努力學習如何照顧阿May。始終,她是我的女兒…
待續…
故事都係未完架。請大家繼續留意故事的發展。
可以的話,請俾個「👍」支持下我地同May媽一家。同時都關注照顧者的身心健康。作為一個照顧者,大家都不容易,只能簡單向照顧者的你們說聲「辛苦了」💞
P.s:本計劃由香港公益金資助
分享: