一年一度的會員大會將會在10月10日（星期日）舉行，現誠邀各基本會員出席，一起回顧過去一年路向的經歷！資料如下： 日期：2021年10月10日（星期日） 時間：14:00-16:30 地點：路向四肢傷殘人士協會 內容 : 匯報會務、財務報告和通過事項 交通：自到 截止報名日期：2021年10月06日（星期三） 報名連結：https://forms.gle/A8PxjCvdg5tVmUAn6 備注： -只限基本會員出席 -凡出席會員大會的基本會員將會獲得星群的士現金券兩張 -如有查詢，請致電2330 6308 聯絡路向職員Rachel(鄭姑娘) -歡迎使用Google Form報名    

2021.06.06(日) 天公造美！4-6月生日會於大澳順利舉行，希望各位出席會員有個難忘生日會啦！祝您地生日快樂 同時亦感謝義工協助，令到活動順利舉行～

今日係輪遊一叮決賽大日子參賽者經過一番激烈比賽後，終於得出結果，當中亦抽出最受歡迎獎之投票會員，恭喜以下得獎者： 冠軍：張微 亞軍：柳冕 季軍：陳敏華 最受歡迎獎：柳冕 最受歡迎獎之投票會員: 1.李佩儀 2.呂偉光 3.陳敏華 感謝評判百忙之中抽空出席未獲獎項的參加者或有興趣的會員，不用灰心，誠邀您參加下年路向一叮歌唱比賽 ，下年見  

槍戰體驗係上星期四順利舉行，參加者十分投入，反應熱烈，嚟緊路向會舉辦唔同大大小小活動，大家記得留意住路向WhatsApp群組啦！！

第十八屆義工嘉許典禮暨2021線上新春團拜順利完成今日有超過100名路向會員同義工出席，希望大家會鐘意今次zoom新春團拜啦，再一次恭祝各位會員新年快樂，身體健康，牛年行大運！

一連兩日的【區區開年飯2021】已於2021年2月20日順利派發100份予會員啦。當大家樂一早準備盆菜送遞中心，會員收到盆菜的一刻，都不禁讚嘆包裝外盒精美。打開外盒，內有一包醬汁、2盒食材，拎上手仲係熱架。小編都聞到香噴噴，流曬口水。 會員回到家，都急不及待打開盆菜翻熱與家人或外傭一同分享，稱讚盆菜豐富美味。 多謝大家樂及社聯悉心安排開年飯活動。在新春佳節，傳遞這份窩心的心意。

《路向最新資訊》 由大家樂及社聯舉辦的「區區開年飯2021」，將於2月19及20日於中心派發。 以下是獲中籤的會員名單。職員已個別通知中籤者。如未收到職員通知，則為落選。敬請留意 P.S:鳴謝大家樂贊助盆菜，社聯鼎力支持

路向四肢傷殘人士協會特備節目「路向開返間…」逢星期三於FB／Youtube上架😻 我哋同大家一齊去發掘一啲係大眾眼中我哋會員做唔到嘅事！ 生命講師會係Facebook直播，同大家分享自己嘅興趣同埋故事，片段仲會上載Youtube，方便大家隨時回味！ 我哋有港隊運動代表🏓，有熱愛藝術嘅表演者🎭🎤，有追求知識嘅大學生🤓，亦都有致力幫助其他同路人嘅朋友👩🏻‍🦽邊個話我哋唔得架💪🏻😎 希望會員們可以從其他會員嘅分享入面發掘到自己感興趣的項目，同時聯繫同路人一齊交流切磋。公眾人士都可以從我哋會員嘅分享入面了解到四肢傷殘人士嘅能力，避免日常生活之中一些不必要的誤會，營造更友善和諧的無障礙環境！ 想知道我哋點樣接受自己身體嘅不足，係受障情況之下仍然熱愛生命，努力生活，就要收睇路向四肢傷殘人士協會特備節目「路向開返間…」！仲有好多唔同嘅活動等你發掘架❣️ 👇🏻訂閱我哋嘅YouTube channel： https://youtube.com/playlist?list=PL2rGug0Kl4ymmotBO9_-Cp9Lb_gzAqqxl 👇🏻讚好我哋嘅Facebook專頁： https://m.facebook.com/directionassociation/

《對內活動》 2021年1-3月生日會 07/02/2021 祝各位1-3月生日的會員，生日快樂！因為疫情關係，今次未能外出慶祝，所以並透過zoom舉行生日會，會員也積極投入活動，願疫情盡快穩定，再外出慶祝吧！ *鳴謝公益金贊助此活動